Первая встреча шестнадцатилетнего наследника русского Престола цесаревича Николая и совсем юной германской принцессы Алисы произошла в 1884 году. Между молодыми людьми завязалась крепкая дружба, которая перешла затем в глубокую и все возрастающую любовь. В 1894 году состоялось бракосочетание Николая и Алисы, которая была присоединена к Православию через миропомазание, получив имя Александра. Через год после свадьбы родилась первая дочь — Великая княжна Ольга, затем последовало появление на свет Татьяны, Марии и Анастасии. Вскоре исполнилось и заветное желание царской четы — родился наследник, царевич Алексий. В жизни Императора Николая II было как будто два отдельных периода — его царствование и время пребывания в заточении. Рожденный в день памяти Иова Многострадального, Государь принял свой крест как библейский праведник, перенес испытания твердо, кротко и без тени ропота. Императрицу Александру даже в самые трудные дни после отречения Государя от престола не оставляли доброта и душевное спокойствие. Утешение в перенесении скорбей Царственным узникам давали молитва, чтение духовных книг, богослужение и Причащение… В ночь с 16 на 17 июля Царская семья была расстреляна в Екатеринбурге, в подвале Ипатьевского дома. В 2000 году царственные страстотерпцы были прославлены в лике святых.
https://radiovera.ru/pravoslavnyiy-kalendar-17-iyulya..
Тропарь святым царственным страстотерпцам,
глас 4
Днесь, благове́рнии лю́дие, све́тло почти́м/ седмери́цу честну́ю ца́рственных страстоте́рпец,/ Христо́ву еди́ну дома́шнюю Це́рковь:/ Никола́я и Алекса́ндру,/ Алекси́я, О́льгу, Татиа́ну, Мари́ю и Анастаси́ю./ Ти́и бо, уз и страда́ний многоразли́чных не убоя́вшеся,/ от богобо́рных смерть и поруга́ние теле́с прия́ша/ и дерзнове́ние ко Го́споду в моли́тве улучи́ша./ Сего́ ра́ди к ним с любо́вию возопии́м:/ о святи́и страстоте́рпцы,/ гла́су покая́ния и стена́нию наро́да на́шего вонми́те,/ зе́млю Росси́йскую в любви́ к Правосла́вию утверди́те,/ от междоусо́бныя бра́ни сохрани́те,/ мир ми́рови у Бо́га испроси́те// и душа́м на́шим ве́лию ми́лость.
Кондак святым царственным страстотерпцам,
глас 8
Избра́ннии Царе́м ца́рствующих и Го́сподем госпо́дствующих/ от ро́да царе́й Росси́йских,/ благове́рнии му́ченицы,/ му́ки душе́вныя и смерть теле́сную за Христа́ прии́мшии/ и венцы́ Небе́сными увенча́вшиися,/ к вам, я́ко покрови́телем на́шим ми́лостивым,/ с любо́вию благода́рне вопие́м:/ ра́дуйтеся, ца́рственнии страстоте́рпцы,// за Русь Святу́ю пред Бо́гом усе́рднии моли́твенницы.
Молитва святому страстотерпцу царю-мученику Николаю II
О, святы́й вели́кий Росси́йский Царю́ и страстоте́рпче Нико́лае! Вонми́ гла́су моле́ния на́шего и вознеси́ ко Престо́лу всеви́дящаго Го́спода стена́ния и воздыха́ния наро́да Ру́сскаго, не́когда богоизбра́ннаго и благослове́ннаго, ны́не же па́дшаго и от Бо́га отступившаго. Разреши́ клятвопреступле́ние, досе́ле тяготе́ющее над наро́дом Русским. Тя́жко бо согреши́хом, отступи́вше от Царя́ Небе́снаго, оста́вльше ве́ру правосла́вную на попра́ние нечести́вых, престу́пльше кля́тву собо́рную и не возбранивше убие́нию твоему́, Семьи́ твоея́ и ве́рных слу́г твои́х.
Не бо послу́шахом повеле́ния Госпо́дня: «Не прикаса́йтеся пома́занным Мои́м» па́ки же Дави́ду глаго́лющу: «И́же простре́т ру́ку на Пома́занника Госпо́дня, не Госпо́дь ли порази́т его́?» И се́ ны́не досто́йная по де́лом на́шим прие́млем, тяготеет бо да́же до дне́ сего́ на на́с гре́х ца́рския кро́ви проли́тия.
Доны́не оскверня́ются святы́ни на́ши. Блу́д и беззако́ние не оскудева́ют от на́с. Ча́да на́ши пре́даны на поруга́ние. Вопие́т к не́бу кро́вь неви́нная, на вся́кий ча́с в земле́ на́шей пролива́емая.
Но ви́ждь сле́зы и сокруше́ние серде́ц на́ших, ка́емся бо, я́коже киевляне не́когда пред князе́м Игорем, и́ми умученным; я́коже владимирцы пред князе́м Андре́ем Боголюбским, и́ми убие́нным, и про́сим: умоли́ Го́спода, да не отврати́тся от на́с до конца́, да не лиши́т наро́д Русский вели́каго избранничества Своего́, но да пода́ст на́м ра́зум спасе́ния, во е́же восстати на́м из глубины́ паде́ния сего́.
И́маши бо, Царю́ Нико́лае, дерзнове́ние ве́лие, ты́ бо кро́вь свою́ пролия́л еси́ за наро́д сво́й, и ду́шу положи́л еси́ не то́кмо за дру́ги, но и за враги́ своя́. Сего́ ра́ди предстои́ши ны́не в Невече́рнем Све́те Царю́ Сла́вы, я́ко ве́рный слуга́ Его́. Бу́ди на́м хода́тай и засту́пник, и охранитель. Не отврати́ся от на́с, и не оста́ви на́с на попра́ние нечести́вых. Да́руй на́м си́лы на покая́ние, и правосу́дие Бо́жие приклони́ на милосе́рдие, да не погуби́т на́с до конца́ Госпо́дь, но да вся́ прости́т и ми́лостивно поми́лует, и спасе́т зе́млю Ру́сскую и наро́д ея́. Да изба́вит же Оте́чество на́ше от постигших бе́д и напа́стей, возроди́т ве́ру и благоче́стие, возста́вит же престо́л Царе́й правосла́вных, е́же сбы́тися пророчествам уго́дников Бо́жиих. И да просла́вят лю́ди Ру́сские по все́й вселе́нней всехва́льное и́мя Госпо́дне и ве́рно послу́жат Ему́ до сконча́ния ве́ка, воспева́я сла́ву Отцу́ и Сы́ну и Свято́му Ду́ху ны́не и при́сно и во ве́ки веко́в. Ами́нь.
